પ્રધાનમંત્રી નરેન્દ્ર મોદી વીડિયો કોન્ફરન્સ દ્વારા પશ્ચિમ બંગાળમાં વિશ્વભારતી યુનિવર્સિટીના શતાબ્દી સમારોહને સંબોધન કર્યું હતુ. પીએમ મોદીએ કહ્યું કે, હું આજે એ જ પ્રાર્થના કરું છું. વિશ્વ ભારતી યુનિવર્સિટીને 100 વર્ષ પૂર્ણ કરવા તે દરેક ભારતીય માટે ગૌરવની વાત છે. મારા માટે આ ખૂબ જ સુખદ છે કે આજના દિવસે આ તપોભૂમિના પુણ્ય સ્મરણને યાદ કરવાની તક મળી. વડાપ્રધાને વધુમાં કહ્યું હતું કે વિશ્વભારતીની 100 વર્ષની યાત્રા ખૂબ જ વિશેષ છે. ગુરુદેવે જે સપનું જોયું હતું, આ સ્થળ તે સપનાને સતત ઉર્જા આપે છે. પીએમએ કહ્યું- આ સંસ્થાને જે લોકોએ આ ઉંચાઇ પર પહોંચાડી છે, તે તમામ લોકોને હું આદરપૂર્વક નમન કરું છું.